Best Guide Maroc,meilleur guide de tourisme et de voyage au Maroc.

Cette annonce a été publiée le 22/01/2013 par Amina

بليييييز عطوني شي حل الله يجازيكم بخيير راني كنتعدب كل نهار

بليييييز عطوني شي حل الله يجازيكم بخيير راني كنتعدب كل نهار

السلام عليكم,فعمري 20 سنة و مازالة كانقرا,المشكل ديالي هو أني وقعو ليا شي مشاكل هدا عام تقريبا و مقدرتش نسى دوك الذكريات الخايبة في حياتي,اللي وقع ليا هو أني تعرفت على واحد الشاب ب 6 شهور من قبل ما يوقع ليا اللي وقع’المهم بديت كنتلاقا معاه ف القهوة و من بعد بديت كنتعلق بيه نهار بعد نهار و حتى نفس الحاجة,و لكن من بعد كيطلب مني نمشي معاه فطوموبيل حيت قال ليا فالقهوة كاشوفونا الناس أللي كايعرفونا و إقدر إوقعو لنا مشاكيل إلا بركك بنا شي حد,المهم في الأول مكنتش قابلة و لكن من بعد ملي يكرر نفس طلب ركبت معاه و الحمد لله ما وقع بيني و بينو والو ,و لكن المصيبة هي ملي عرضو لنا البوليس حيت شي حد قالها ليهم من تماك بداو المعانات دياولي مع السبان و الضرب إللي سمعت من عندهوم ,ملي داونا عيطو على ختي و بقا فيا لحال حيت كانت كاتبكي و طيحت من قيمتها,المهم بتنا تماك و الغد ليه داونا للمحكمة و الحمد لله خرجنا من بعد ما عطا داك الشاب الفلوس,و لكن ملي خرجت من محكمة لقيت خويا كان كايتسناني و هاز معاه جنوي كان باغي إقتلني كون ماكانش راجل ختي هو إللي منعو و هدنو,المهم بابا كان مسافر حيت خدام ملي جا طلع ليه السكر بزاف كان شويا و يموت,داك الشاب مانسانيش و جا إخطبوني و لكن واليديا ماقبوش و أنا كنت خايفة غير إقبلو حيت بداو كاتشرطو بزاف,أول حاجة قالو ليا نخرج من القرايا و نبدا نغطي وجهي كامل (زعما ندير نقاب)و نعيش مع واليدية ف واحد الجبل,,,,

المهم من بعد ما وقع ليا والو و رجعت لحياتي الطبيعية مع دارنا و لكن ماقدرتش نسا و كنعاتب راسي حيت كنت كانهدر مع واحد ماكايجيني والو و ركبت معاه فالطوموبيل يعني أنا مازياناش و حتا عائلتي دابا ماكيخلونيش نخرج بوحدي واخا ما كيبينو ليا والو و حتى ختي الصغيرة فعمرها 19 سنة إلا بديت كنصحها كاتقول ليا على الأقل أنا ماكانديرش الفعايل بحال ديالك,و خايفة حتى من المجتمع إلا ساق شي نهار الخبار إبداو إعايرو عائلتي خصوصا بابا,و دابا خويا مكيهدرش معايا و لكن أصلا مكنهدروش من قبل حيت هو عصبي بزااف و كيضربني,و واحد النهار قال ليا راه مازال ماتفاهمناش على داكشي إللي درتي ليينا,الصراحة دبا أنا معارفاش أش نديير ,ديما معبة و مكدوزش شي نهار بلا منبكي فيه حييت سببت مشاكل لناس إللي دايريين بيا و لحتى راسي حيت ولاو عندي سوبق عدلية و منقدرش شي نهار نخدم ف شي خدمة معينة أولا نتزوج ب شي حد إللي خدام مع البوليس ,,,,كنت عند طبيب نفساني ولكن معطانيش حتى شي نتيجة,,بليييييز عطوني شي حل الله يجازيكم بخيير راني كنتعدب كل نهار,و سمحو ليا إلا طولت عليكم


التعليقات :

Translate website
Publicité
Identifiez-vous !
Recherche Avancée

S'inscrire à notre Newsletter
Vidéo Maroc
Nuage de tags
Coup de coeur
Derniers produits ajoutés
Publier votre annonce